ಸಂಪದದಲ್ಲಿ ವಿಶೇಷ ಬರಹವಾಗಿ ಆಯ್ಕೆಯಾದ ಕವಿತೆ ‘ಬೆಳಕೆಂದರೆ’

cow calf

ಸಂಪದದಲ್ಲಿ ವಿಶೇಷ ಬರಹವಾಗಿ ಆಯ್ಕೆಯಾದ ಕವಿತೆ ‘ಬೆಳಕೆಂದರೆ’ ಓದಲು ಈ ಲಿಂಕ್ ಕ್ಲಿಕ್ಕಿಸಿ:

https://sampada.net/blog/%E0%B2%AC%E0%B3%86%E0%B2%B3%E0%B2%95%E0%B3%86%E0%B2%82%E0%B2%A6%E0%B2%B0%E0%B3%86/20-10-2017/47909

Advertisements

ಬೆಳಕೆಂದರೆ…

light

ಪುಟ್ಟ ಮಗು ತೊಟ್ಟಿಲಲ್ಲಿ
ಬೊಚ್ಚು ಬಾಯಿ ಬಿಚ್ಚಿ
ಮೊಳೆವ ಕೈಯ ತಟ್ಟಿ ನಕ್ಕಿತು
ಬೆಳಕು ಬೆಳೆದು ಹರಡಿತು

ಚಿಕ್ಕ ಇರುವೆ ಸಾಲಿನಲ್ಲಿ
ಸಣ್ಣ ಸಿಹಿಯ ಅಚ್ಚು ಕಚ್ಚಿ
ಗೂಡಿನೆಡೆಗೆ ಸಾಗಿತು
ಬೆಳಕು ಶಿಸ್ತು ಎನಿಸಿತು

ಕಾಗೆ ಮರದ ಅಂಚಿನಿಂದ
ಕಾಳ ಕಂಡು ಕರೆಯಿತು
ಬಳಗ ಸೇರೆ ಹಂಚಿತು
ಬೆಳಕು ಒಲವು ಆಯಿತು

ಗೋವು ತನ್ನ ಮಂದೆಯಲಿ
ಕರುಳ ಬಳ್ಳಿಗೆಳಸಿ ಸಾಗಿ
ಹಾಲನೂಡಿ ತಣಿಯಿತು
ಬೆಳಕು ಹಸಿವ ನುಂಗಿತು

ಬೆವರಾಗಿ ರೈತ ದುಡಿದು
ಹಸಿರ ಹಾಸಿನಲ್ಲಿ ದಣಿದು
ಮುಗುಳಾಗಿ ಮಲಗಿದಲ್ಲಿ
ಬೆಳಕು ನೆರಳು ಕಲೆಯಿತು

ಕಲಿವ ನಲಿವ ಕಿರಿಯರು
ಕವಿತೆಯ ಗಮ್ಯತೆಯ ಭವಿಸಿ
ಕೊರಳ ಇಂಪ ಸ್ಪುರಿಸಿ ಹಾಡೆ
ಬೆಳಕು ರಾಗ ಕೂಡಿತು

(ಚಿತ್ರ ಕೃಪೆ: ಅಂತರ್ಜಾಲ)

ಕನ್ನಡ ಪ್ರತಿಲಿಪಿಯಲ್ಲಿ ಪ್ರಕಟಿತ: https://kannada.pratilipi.com/pratilipi/4934053412208640