ಸ್ಪರ್ಧೆ

ಮಹಿಳಾಮಣಿಗಳು ಆಯೋಜಿಸಿದರು
ಆದರ್ಶದಂಪತಿ ಫೋಟೋ ಸ್ಪರ್ಧೆ

ಪತಿಪತ್ನಿಯರ ಸುಂದರ ಚಿತ್ರ
ಸ್ಪರ್ಧೆಗೆ ಬಂದವು ತೀರ್ಪಿಗೆ

ನನ್ನ ಹೆಂಡತಿಯೂ ತೀರ್ಪುಗಾರ್ತಿ
ದಂಪತಿ ಫೋಟೋ ಸ್ಪರ್ಧೆಗೆ

ಗಂಡಹೆಂಡಿರ ನಗುಮುಖ ಫೋಟೋ
ತಿರಸ್ಕೃತವಾದವು ಸಾರಾಸಗಟೆ !

ಆಯ್ಕೆಯಾಯಿತು ಕೊನೆಗೂ ಚಿತ್ರ
ಕೊಟ್ಟರು ಮೊದಲ ಸ್ಥಾನದ ಕಿರೀಟ

“ಕೆಟ್ಟ ಚಿತ್ರ ಅದು, ತಪ್ಪಾಗಿದೆ ತೀರ್ಪು”
ಹೆಂಡತಿಗೆ ಹೇಳೆ ಹುಚ್ಚೇ ನನಗೆ !?

ಗೆದ್ದವರ ಫೋಟೋ ಹಾಕಿದ್ದೇನೆ
ನೋಡಲು ನಿಮಗೆ ಕುತೂಹಲವೆ?

ʼನಡುಗಿದ ಪತಿ ಗುಡುಗಿದ ಪತ್ನಿʼ
ಇದೇ ಮಹಿಳಾಸಂಘದ ಆಯ್ಕೆ!

(Pic from Google)

ಕಟ್ಟಿದರೆಲ್ಲಿ?

donkey

ಅಲ್ಪ ಸಂಖೈಯಿದ್ದ ಕರೊನಾ ಮಂದಿ
ಬಂದರು ಬಹು ಸಂಖೈಗೆ
ಹಸಿರವಲಯದಿಂದ ಜಿಗಿತ ಕೆಂಪುವಲಯಕೆ
ಕಟ್ಟಿರೆಂದರೆ ಬಟ್ಟೆ ಮೂಗು ಬಾಯಿಗೆ
ಶುದ್ಧ-ಮುಗ್ಧ ನಮ್ಮ ಜನ!
ಕಟ್ಟಿವುದೆ ಮಾಸ್ಕು ಕಣ್ಣು ಕಿವಿ ಬುದ್ಧಿಗೆ!?

ಕೊತ್ತಂಬರಿಸೊಪ್ಪು

virat

ಬಾಲಿವುಡ್‌ ಹಾಲಿ ತಾರೆಯರು
ತಮ್ಮ ಗಂಡಂದಿರ ಪಾಲಿಗೆ ಬಾರ್ಬರುಗಳು
ಎಲ್ಲಕಡೆ ಅವರ ಸಾಧನೆಯ ಸಾಕ್ಷಿಗೆ ಫೋಟೋಗಳು!
ಮಡದಿ ಯಾವ ತಾರೆಗೆ ಕಮ್ಮಿ
ನನ್ನ ರಮಿಸಿ ಎಳೆದು ಕೂರಿಸಿ ಚಾಕುಕತ್ತರಿ ಚಕಚಕ
ತಲೆಗಾಡಿಸಿ ಅಂದಳು ʼಕೊತ್ತಂಬರಿಸೊಪ್ಪು ಹೆಚ್ಚಿದಂತಿದೇರಿ!ʼ

ಪುಢಾರಿಯ ಬ್ಯಾಂಕು

p2

ರಾಜಕಾರಣಿ ಕೋರಿದ ಕೈಮುಗಿದು
“ತಬ್ಲೀಘ್‌ ತಬ್ಲೀಘ್‌ ಅನ್ನುವ
ಅಪಪ್ರಚಾರ ನಿಲ್ಲಿಸಿ ಸಾಕು
ಹಾಳಾಗಿ ಹೋಗುತ್ತೆ ಬ್ಯಾಂಕು”
ಮಂದಿ ತಬ್ಬಿಬ್ಬು; ಕೇಳಿದರು “ಯಾವ ಬ್ಯಾಂಕು!?”
ಬಂತು ಉತ್ತರ “ಬ್ರೋ…ನಮ್ಮ ವೋಟ್‌ ಬ್ಯಾಂಕು”

 

(Pic:Google)

ತಿನ್ನುವ ಯೋಗ

eat

ಪಂಡಿತರೆಲ್ಲ ಭವಿಷ್ಯ ನುಡಿದಿದ್ದಾರೆ
ಮನೆಯೊಳಗೇ ಇದ್ದರೆ
ಬರುವುದಂತೆ ಕುಳಿತು ತಿನ್ನುವ ಯೋಗ
ಹೊರಗೆ ಹೋದರೆ
ತಿನ್ನಬೇಕಂತೆ ಥಳಿತ ಮತ್ತೆ
ವೈರಸ್ಸು ನಮ್ಮನ್ನೇ ತಿನ್ನುವ ರೋಗ

(Pic : Googgle)

ದೂರು

hc2

“ನೀವು ಆಫೀಸು ಕೆಲಸ
ಸರಿಯಾಗಿ ಮಾಡುವುದಿಲ್ಲ
ಅಂತ ನನಗೆ ಗೊತ್ತು” ಮಡದಿ ನುಡಿ
ಕೇಳಿದೆ, ʼʼಅದು ಹೇಗೆ ಹೇಳುತ್ತೀ!?ʼʼ
“ನೀವು ಮಾಡಿದ ಅಡುಗೆ
ಗಂಟಲಲ್ಲಿಳಿಯುತ್ತಿಲ್ಲ ಒಂದು ತುತ್ತೂ
ನೀವು ತೊಳೆದ ತಟ್ಟೆ ಪಾತ್ರೆಯಲ್ಲಿ
ಕೊಳೆ ಅಂಟೇ ಇತ್ತು” ಬಂತು ಕಿಡಿ

 

(Pic courtesy:Google)

ಮನೆಯಿಂದ ಕೆಲಸ

h

ಕೊರೊನ ಭಯದಿಂದ ಈಗ
ಮನೆಯೇ ಆಫೀಸು
ಕಿಚನ್ನೇ ಕ್ಯಾಂಟೀನು
ಮಡದಿಯೇ ಬಾಸು
ಹಾಗಾಗಿ ಭಕ್ತಿಯಿಂದ ಆಗಾಗ
ಮಾಡಿಕೊಡಬೇಕು
ಮಡದಿಗೆ ಚಾ ಕಾಫಿ
ಮಕ್ಕಳಿಗೆ ಚಾಟ್ಉ ಜ್ಯೂಸು

‌(Pic courtesy:Google)

ಆಟೋ ಆಟ

auto1
ಭಾಗ ಎರಡು

1

ಆಟೋ ಹಿಡಿದವನು
ಏನನ್ನಾದರೂ ಜಯಿಸಿಯಾನು

2
ಆಟೋ ಬೇಟೆಗೆ ಹೊರಟೆ
ʼಬರಲ್ಲʼ ಅನ್ನುವುದರೊಳಗೆ
ಛಾನ್ಸು ಸಿಕ್ಕಿದ್ದೇ
ಒಳಗೆ ಕುಳಿತದ್ದೇ
ಸೆಲ್ಫಿ ತೆಗೆದದ್ದೇ!

3
ಮೀಟರಿನ ಆಟೋ
ʼಮೀಟರುಬಡ್ಡಿʼ ದಂಧೆ
ಸಂಬಂಧ ಒಂದೆ!

4
ಎರಡು ಆಟೋ ಸೇರಿದಲ್ಲಿ
ಕಾಣು ಒಗ್ಗಟ್ಟು
ನಾಲ್ಕಾದರೆ ಹಿಡಿ ಬಾವುಟ
ಪ್ರತಿಭಟನೆಯ ಪಟ್ಟು

5
ʼಚರ್ಚೆ ಮಾಡದೆ
ಆಟೋ ಪ್ರಯಾಣಿಸದವನ
ತಂದು ತೋರುʼ
ಬುದ್ಧನ ನವ ಉವಾಚ

6
ಸ್ಟ್ಯಾಂಡಲ್ಲಿ ನಿಂತಿವೆ
ಒಂದರಹಿಂದೊಂದು ಆಟೊ
ದಿನಪತ್ರಿಕೆ, ಮೊಬೈಲು
ಚಾಲಕರ ಚಿಟ್‌ಚಾಟ್ಉ
ನಿದ್ರೆ ಮಾಡೊ ಅಡ್ಡಾ ಅದು
ಆಟೊ ಕರೆದರೆ ಕಿವಿಕೇಳದು

7
ಆಟೋದವನ ಅಭಿಮಾನ
ಕನ್ನಡ ಭಾಷೆ
ಅದು ಕನ್ನಡ ಮಂದಿ ಬಗೆಗಲ್ಲ
ತೊರೆಯಿರಾಸೆ!

8
ಕೋಪೋವಾಚ:
ಆಟೋ ಸಿಗದಿದ್ದರೆ ಕತ್ತೆ ಬಾಲ!
ಬದಲಾಗಿದೆ ಕಾಲ
ಇದೆಯಲ್ಲ ಓಲಾ

9
ಇನ್ಮುಂದೆ ಮಾಡಬಹುದಾ
ಆಟೊಗೆ ಟಾಟಾ?
ಕಣ್ಮುಂದೆ ಬಂದಿದೆ
ಉಬರ್‌ಉ ಓಲಾಗಳ ಓಟ
(ಕೆಲವೇ ಆಟೋಗಳ ದೊಂಬರಾಟ ಕಂಡಮೇಲೆ ಅನಿಸಿದ್ದು}

(Pic courtesty:The Hindu Cartoon)

ಆಟೋ ಆಟ

auto
ಭಾಗ ಒಂದು

1

ʼಮರಳಿ ಯತ್ನವ ಮಾಡು
ಜಯ ಕಟ್ಟಿಟ್ಟ ಬುತ್ತಿ ನೋಡುʼ
ಯಾರೋ ಆಟೋ ಹತ್ತದ ಪಂಡಿತ
ಮಾಡಿದ ಗಾದೆ ಇದು ಖಂಡಿತ

 

2
ಭಕ್ತನೆದುರು ದೇವರು
ಏನು ವರ ಬೇಕೆಂದ
ಭಕ್ತ ʼಅರ್ಜೆಂಟು ಆಟೋ
ತರಿಸುವೆಯಾ?ʼ ಅಂದ

 

3
ಬೆಂಗ್ಳೂರಲ್ಲಿ ಆಟೋ ಲೆಕ್ಕವಿಲ್ಲದಷ್ಟು
ಆಕಾಶದಲ್ಲೂ ನಕ್ಷತ್ರಗಳಷ್ಟು!
ಎಲ್ಲವೂ ಇರುವ ದೂರ
ನಮಗೆ ನಿಲುಕದಷ್ಟು

 

4
ʼʼಬರ್ತೀಯ?ʼʼ
“ಎಲ್ಲಿಗೆ?”
“…ಇಲ್ಲಿಗೆʼ
“ಮೀಟ್ರ ಮೇಲೆ ಇಷ್ಟು
ಕೊಟ್ರೆ ಮಾತ್ರ ಹತ್ತು”
ಇದೇ ಆಟೋದವನ
ನಿತ್ಯ ಮಾತು

 

5
ಆಟೋದವರು
ಒಬ್ಬರನ್ನೊಬ್ಬರು ಬಿಟ್ಟುಕೊಡರು
ಒಬ್ಬರು ಬರಲ್ಲ ಅಂದರೆ
ಇನ್ಯಾರೂ ನೀವು ಹೇಳಿದಲ್ಲಿಗೆ ಬರರು

 

6
ಮೆಟ್ರೋ ಹತ್ತಿರ
ಆಟೋ ಕಾಟ
ಒಂದಕ್ಕೆರಡು
ಕೇಳುವ ಆಟ

 

7
ʼಎಲ್ಲಿಗ್‌ ಕರೆದ್ರೂ ಬರಲ್ಲ
ಅಂತಾನಲ್ಲ ಗಂಡʼ
ದೂರಿದಳು ಸೊಸೆ ಅತ್ತೆ ಬಳಿ
ʼನೀ ಕಟ್ಕೊಂಡಿರೋದು
ಆಟೋ ಓನರ್‌ಉ’ ಅಂದಳು ಅತ್ತೆ ,
‘ಬಿಡ್ತಾನ ಅವ್ನು ಕಲ್ತ ಚಾಳಿ?ʼ

(ಒಂದು ವಾರ ಆಟೋ ಹಿಂದೆ ಅಲೆದ ಅನುಭವ ಸಾರ!)

(Pic from Google Net)