ನಾಡು-ನುಡಿ ಸೇವಕರು – ೪ ಕನ್ನಡದ ಮೊದಲ ರಾಷ್ಟ್ರಕವಿ

ಸ್ವನಿತ (ಸಾನೆಟ್)

ಮಂಜೇಶ್ವರದ  ಮಣ್ಣಿನಲ್ಲಿ ಕನ್ನಡದ  ಬೆಳ್ಳಿ    
ಮೂಡಿಸಿದ, ಕನ್ನಡ ತುಳು ಕೊಂಕಣಿ ಮಾತೆಯರಿಗೆ
ಕಣ್ಮಣಿ, ಗುಹೆಯ ಹೊಕ್ಕ ಸೂರ್ಯಪ್ರಖರ ದೃಷ್ಟಿನಿಚ್ಚಳ
ಇಪ್ಪತ್ತೆರಡು ಭಾಷೆಗಳತ್ತ  ಚಾರಣ,   ಶಿಖರ
ಮುಟ್ಟಿ ಪಂಡಿತ, ಇಪ್ಪತ್ತ್ನಾಲ್ಕು  ಕೃತಿಗಳ ಹೆತ್ತ
ರತ್ನಗರ್ಭ ಕವಿ ಕೋವಿದ, ನಿಖರತೆಯ ಸಂಶೋಧಕ  
ತನ್ನೊಳ ಶೋಧ, ಸ್ವಾರ್ಥ ತೊರೆದ, ಪುಟವಿಟ್ಟ ಕನಕ
ಹಾರ ಕರುನಾಡ ಕೊರಳಿಗಾದ,  ಸಂಸಾರ ‌ಸುಖ
ವಿಮುಖ, ಹಾರಿ ಗಿಳಿವಿಂಡಿನೊಡನೆ ವಿಹಾರಿ, ನಿಂತ
ನೀರದು ಕೊಳೆವ ಮುನ್ನವೇ ಹೊಸತನು ಹರಿಯಿಸಿದ
ಗೊಲ್ಗೋಥ, ವೈಶಾಖೀ, ಕೃಷ್ಣ ಚರಿತ, ಸಾನೆಟ್ ನಮಗೆ
ಸ್ವನಿತ ಮಾಡಿದ ಮೊದಲಿಗ, ಪ್ರಾಸ ತೊರೆದು ಸುಗ್ರಾಸ 
ಬಡಿಸಿ  ಸಂಕೋಲೆ  ಕಳಚಿ,  ಬರಹ ಬೆಳಕಲಿ ನಕ್ಕ
ತುಳುವ ಚರಿತ್ರೆ   ಕನ್ನಡ ವೈಭವಗಳ ಉತ್ಖನಿನಿಸಿ 
ತೇರಲಿಟ್ಟು ಎಳೆದ ಅಚಲ ಛಲ,  ಪುರುಷ ಸಾತ್ವಿಕ
ವಿನಯಕ್ಕೆ ಮೇರು ಸದೃಶ,  ಆಸ್ತಿಕ ಋಷಿ ಸ್ವರೂಪ
ಕಡೆವರೆಗೂ   ಕಡೆದು   ನವನೀತವಿತ್ತ  ಗವಳಿಗ
ಮಂಜೇಶ್ವರ ಗೋವಿಂದ,  ವರ, ಕನ್ನಡ ಪಾಲಕ

ವಿಷಯ ಸಂಕ್ಷಿಪ್ತ:

ಗೋವಿಂದ ಗೆಳೆಯನಿಗಿತ್ತ* ಊರುಗೋಲಿನ ಬೆತ್ತ
ಗಾಂಧಿ ಹಿಡದ, ಕೊನೆವರಗೂ ಅದನೇ ಊರಿ ನಡೆದ!
(“ಕಾಕಾ ಕಾಲೇಲ್ಕರ್ ಸ್ವಾತಂತ್ರ್ಯ ಹೋರಾಟಗಾರ ಸ್ನೇಹಿತ,
ಗೋವಿಂದ ಪೈ ಕೊಟ್ಟ ಕೋಲನ್ನು ಗಾಂಧಿಗೆ ಉಡುಗೊರೆ ಮಾಡಿದ್ದರು)

ಬೆಳ್ಳಿ ಮೀಸೆಯ, ಧೂಮಪ್ರಿಯ.
ತನ್ನ ಮನೆಯಲ್ಲೆ ದೊಡ್ಡ ಗ್ರಂಥಾಲಯ.
ಈಗ ಉಡುಪಿ ಎಂ.ಗೋವಿಂದ ಪೈ ಸಂಶೋಧನಾ ಸಂಸ್ಥೆಯಲ್ಲಿ ಸುರಕ್ಷಿತ.

೧೯೫೦ ಮುಂಬಯಿ ಸಾಹಿತ್ಯ ಸಮ್ಮೇಳನ ಅಧ್ಯಕ್ಷತೆ, ಆಗಿನ ಸರ್ಕಾರ ಕೊಟ್ಡ
ರಾಷ್ಟ್ರಕವಿ ಪದವಿ ಒಪ್ಪಲು ಆತ್ಮೀಯರ ಬಲವಂತದೊತ್ತಾಯ.

ಮೈಸೂರು ವಿಶ್ವವಿದ್ಯಾಲಯದ ಡಾಕ್ಟರೇಟ್ ವಿನಯಪೂರ್ವಕ ನಿರಾಕರಣೆ.
ಗೊಲ್ಗೋಥಾ,ವೈಶಾಖ, ಕೃಷ್ಣ ಚರಿತ, ಚಿತ್ರ ಭಾನು, ಗೊಮ್ಮಟ ಸ್ತುತಿ ಖಂಡ ಕಾವ್ಯ.
ಹೆಬ್ಬೆರಳು,  ತಾಯಿ, ನೋ, ನಾಟಕಗಳು. ಗಿಳಿವಿಂಡು, ನಂದಾದೀಪ, ಹೃದಯ ತರಂಗ,
ಇಂಗಡಲು ಕವನ ಸಂಗ್ರಹ, ೨೦ ಸಾನೆಟ್, ಗೀತಾಜಲಿ (ಅನುವಾದ)
ಅನೇಕ ಸಂಶೋಧನಾ ಕೃತಿಗಳು, ಪ್ರಬಂಧಗಳು.

ಮಂಜೇಶ್ವರ ಗೋವಿಂದ ಪೈ
ಜನನ: ೨೩.೩.೧೮೮೩
‌ನಿಧನ:  ೬.೯.೧೯೬೩

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s