೧
ಅವಳು ಉಕ್ಕಿ ಹರಿಸಿದ ನಗುವಿಗೆ
ಅವನು ಬೊಗಸೆ
೨
ಬೆಳಗಿನ ಬಿಸಿ ಕಾಫಿ
ನಿನಗೆ ಬಹಳವೇ ಇಷ್ಟ!
ಹಬೆಯಾಡುವುದ ಕೊಡುತ್ತಾ ಅಂದ
ನಿನ್ನ ಬಿಸಿಯುಸಿರಷ್ಟು ಅಲ್ಲ ಅಂದಳು
೩
ಅವನು ಲಲ್ಲೆ ಮಾತು ಬಿಡಲೊಲ್ಲ
ಅವಳು ಪಲ್ಲಂಗ ತೊರೆಯಳು
೪
ಏಕಿಷ್ಟು ಪಲ್ಲಂಗ ಮೋಹ ಅವಳಿಗೆ?
ಅವನ ಸರಸ ಅರಳುವುದು
ಘಮ ಘಮಿಸುವುದು
ಅಲ್ಲೆ ಅಲ್ಲವೆ!
೫
ನಲ್ಲೆ ಬೆನ್ನ ತೋರಿದಳು
ಅವನೋ ಬೆನ್ನು ಬಿಡ
೬
ನಲ್ಲನಿಗೆ ಬೆನ್ನಾದಳು
ಬಲ್ಲವಳು ಅವಳು
ಹೊನ್ನಾದಳು
೭
ಹುಸಿ ಕೋಪದಲ್ಲಿ
ಒಲವು ಹಸಿರಾಗಿದೆ
೮
ಹೊರಗೆ ಬಿಸಿಲು
ಹಗುರ ಮಳೆ
ನಲ್ಲೆಯ ಹುಸಿಕೋಪ
ನಸು ನಗೆ
(Pic courtesy: Pixabay)
ಉಫ್..! ಶಬ್ದಗಳ ಚಿತ್ತಾರ… ಭಾವ ಲಹರಿ.. ಮತ್ತೆ ಮತ್ತೆ ಓಡಿಸುವ ಕಲಾ ಕುಸುರಿ…
ಮೆಚ್ಚುಗೆಗೆ ದ್ಧನ್ಯವಾದಗಳು.
ನಲ್ಲೆ ಬೆನ್ನು ತೋರಿದಳು…
ನಲ್ಲನೋ ಬೆನ್ನು ಬಿಡದ ❤
ನಲ್ಲೆಯೂ ನಮ್ಮ ಚಿತ್ತದ ಬೆನ್ನು ಹತ್ತಿದವಳು. 🙂