ತಾಯಿಯರು ಮತ್ತು ತವರು

aditya-siva-212526-unsplash

ಊರಿದ ಊರಿಂದ ವಾಹನವೇರಿ
ಉದ್ದಕ್ಕೂ ಹರಿದ ಹಿರಿದಾರಿ ಮುಗಿಸಿ
ನಡಿಗೆಯಲಿ ಕಿರು ಹಾದಿಯಲಿ ಸರಸರ
ಅಂಕುಡೊಂಕ ಕೆಲ ದೂರ ಸವೆಸಿ
ಉಸ್ಸೆಂದು ನಿರಾಳ ನಿಂತಲ್ಲಿ ಕಾಲು
ಕಾಣುವುದು ಆ ಹಳೆಯ ಹಳ್ಳಿ ಸೂರು!

ದಾರಿಯುದ್ದಕೂ
ಅಲ್ಲಿ ಇದ್ದೀತೊ ಇಲ್ಲವೋ ಭಾರೀ ಗುಡ್ಡ
ಸಣ್ಣ ದರಿ ಝರಿ ತೊರೆ ಕೆರೆ ಹೊಳೆ
ಹಸಿರ ಗಿಡ ; ಮೈತಾಗಿ ನಗಿಸುವ ಗಿಡಗೆಂಟೆ
ಬದು-ಭತ್ತ ತೂಗುತೆಂಗು
ತೆನೆರಾಗಿ ಗೊನೆಬಾಳೆ
ಸಾಗಿ ಕಾಲು ದಾರಿ ಮುಗಿಸೆ ಕಂಡೀತು
ಹೊಸತೆಂದೋ ಆಗಿದ್ದ ಒಕ್ಕಲು
ಅದು ಮೂಡು ಯಾ ಪಡುವಣ
ತೆಂಕು ಯಾ ಬಡಗ ಮನೆ
ಗೂಡು ಹಕ್ಕಿಗಳರಮನೆ
ಹಳೆನೆನಪಿಗೆ ಹೊಸತಾಗುವ
ತೂಗು ಉಯ್ಯಾಲೆ ಮೇನೆ!

ಅದು ಅಮ್ಮನಾ ತವರು
ಅವಳ ಅಕ್ಕತಂಗಿ ಅಣ್ಣತಮ್ಮರು
ನೆಲಮುಟ್ಟಿ ಉಸಿರ ಹಚ್ಚಿದಾ ಮನೆ
ಸಣ್ಣ ದೇಹಗಳು ಬೆಳೆದ ಸಿರಿಮನೆ
ನಿಲುಕದ ಕನಸುಗಳಲ್ಲಿ ಸಂಭ್ರಮಿಸಿದ
ಜೀವಗಳ ಹೊನ್ನ ಮನೆ

ಕೇಳಬಹುದು ಕೆಲವರು
ಅಲ್ಲೇನು ಅಂಥ ಆಟವುಂಟೆ?
ಚೆಂಡೆ ಮದ್ದಳೆ ಯಕ್ಷರ ಆಟವುಂಟೆ?
ಬೆಳ್ಳಿತಟ್ಟೆಯಲ್ಲಿ ಬಡಿಸಿದ ಪಾಯಸವುಂಟೆ?
ಗಂಟೆ ಜಾಗಟೆಗಳಲ್ಲಿ ನಲಿವ ದೇವರುಂಟೆ?
ದೈವವುಂಟೆ?

ಕಣ್ಣು ಕಿವಿ ಹೃದಯ ಹದ ಮಾಡಿದರೆ
ಕೇಳೀತು ವೈನಾಗಿ ಹರಿವ ಹೊಳೆಯ ರಾಗ
ದನ ಕರು ಮಹಿಷಿಗಳ ದೊಡ್ಡ ಕಣ್ಣ ಸೊಗ
ಪ್ರೀತಿ ಹರಿಸುವ ಶ್ವಾನ ; ಪುಳಕ ಮಾರ್ಜಾಲ
ಎದುರುಗೊಂಡಪ್ಪಿಕೊಳ್ಳುವ ಬಂಧಗಳ
ಎಲ್ಲೆಮೀರಿದ ಭಾವ

ಸಾರಿಸಿದ ಸಗಣಿ ನೆಲ; ಸಾವರಿಸಿ ಕುಳಿತ
ತುತ್ತುಣಿಸಿ ದಣಿಯದೆ ಹಾಡಿದ
ಸುಕ್ಕು ಸಿರಿಮೊಗದ ಹಿರಿ ಜೀವ
ಕೇಳುತ್ತಾ ಚಿಗುರುಗಳು ಗಟ್ಟಿ ತೊಲೆಗೆ ಬಣ್ಣ
ಸೀರೆಯ ಜೋಳಿ ಹಚ್ಚಿ ಜೀಕುವ ಕಲರವ…

ಅಲ್ಲಿ ಎಲ್ಲ ಆಟಗಳ ದೇವರುಂಟು
ಸುಖದು:ಖಗಳ ಪಾಠಗಳುಂಟು
ಬೆಸೆವ ನಂಟಿನ ಅಂಟು ಉಂಟು
ಕೊಂಕಿಲ್ಲದ ನಗೆ; ಕುಟಿಲವಿಲ್ಲದ ಮಾತು
ಕೊಂಡಾಟ ಮತ್ತು ತುಂಟಾಟವುಂಟು

ಅಮ್ಮ ನಕ್ಕುನಲಿದು ಹಗುರಾಗಿ ಹಾರಿ
ಮನಸ ಹದದಲ್ಲಿ ಹೂ ಬಳ್ಳಿ ನೆಟ್ಟು
ಖುಷಿಯ ಕೃಷಿಕಳಾಗುವಳು ಕೆಲ ಹೊತ್ತು!

ಹೊರಡುತ್ತಾ, ಕಣ್ಣಲ್ಲಿ ತುಂಬಿ ಅಮೃತ ಬಿಂದು
ಭಾರ ಎಳೆವ ತೇರಾಗುವಳು
ಉಮ್ಮಳಿಸುವ ಭಾವ ಸಣ್ಣ ಪೆಟ್ಟಿಗೆಯಲ್ಲಿಟ್ಟು
ಬೀಗವಿಕ್ಕಿ ಮತ್ತೊಂದು ಚಿಕ್ಕ ಚೀಲದ ಭರ್ತಿ
ನೆನಪ ತಿನಿಸುಗಳ ಹೊತ್ತು ಸಾಗುವಳು
ಅದೇ ಕಾಲು ದಾರಿ ಮುಟ್ಟೆ ಹೆದ್ಡಾರಿ
ತುಡಿತದೂರಿಂದ ತಿರುಗಿ ಸೇರೆ ದುಡಿತದೂರು

(Pic courtesy: Unsplash)

6 thoughts on “ತಾಯಿಯರು ಮತ್ತು ತವರು

  1. K manjunath ಹೇಳುತ್ತಾರೆ:

    Heart touching poem/narration.
    I remembered my mothers native place, where she born and brought up – Hire heggadal near Kudligi Bellary dist.Now also remains a remote village – matches the nice description in your poem
    Thank you Ramesh for rewinding those sweet memories
    K Manjunath

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s