ಪುಟ್ಟ ನೋಡೋದು ಒಂದೆ ಕಾರ್ಟೂನು
ಛೋಟಾ ಭೀಮ್ ಗೆ ಇವ ದೊಡ್ಡ ಫ಼್ಯಾನು
ಟೀವಿ ಮುಂದೆ ಕುಳಿತು ರಿಮೋಟು ಹಿಡಿದ್ರೆ
ನಗು ಚಪ್ಪಾಳೆ ಮತ್ತೆ ಬರೋಲ್ಲ ನಿದ್ರೆ
ಕಣ್ಬಿಟ್ಟು ನೋಡ್ತಾನೆ ಭೀಮ್ ನ ಆಟ
ತುಂಬಾನೆ ಮೆಚ್ತಾನೆ ಅವನೋಡೊ ಓಟ
ಗೆಳೆಯರ ಜೊತೆಗೆ ಭೀಮ್ ನ ಒಡನಾಟ
ಶತ್ರು ಮೇಲೆ ಮಾತ್ರ ಭಾರಿ ಹೊಡೆದಾಟ
ಆದ್ರೂನು ಪುಟ್ಟಂಗೆ ಆಶ್ಚರ್ಯ ಒಂದೆ
ಭೀಮ್ ತುಂಬಾನೆ ಲಡ್ಡು ತಿಂತಾನೆ
ಲಡ್ಡುನಿಂದ ಹೇಗೆ ಶಕ್ತಿ ಬರ್ಬಹುದು
ಅನುಮಾನ ಅವ್ನಿಗೆ ಹೇಗೆ ನಂಬೋದು
ಹೊಟ್ಟೆಗೆ ಈ ಲಡ್ಡು ಅಪಾಯ ಗೊತ್ತ
ಹಲ್ಲು ಕೂಡ ಹಾಳು ತಿನ್ಬಾರ್ದು ನಿತ್ಯ
ಡಾಕ್ಟರ್ ಪುಟ್ಟಂಗೆ ಹೇಳಿದ್ದು ಸತ್ಯ
ತಿಳಿಸ್ಬೇಕು ಬೇಗನೆ ಭೀಮಂಗೆ ವಿಷ್ಯ
ಸಿಕ್ಕಿದ್ರೆ ಒಂದ್ಸಲ ಆ ಛೋಟ ಭೀಮು
ಡಾಕ್ಟರ್ ಹತ್ರ ಬುದ್ಧಿ ಹೇಳಿಸ್ಲೆ ಬೇಕು
ಲಡ್ಡು ಬಿಟ್ಟು ಬರಿ ಹಣ್ಣುತರಕಾರಿ
ತಿಂದ್ರೆ ಬೆಳೀತಿದ್ದ ಅವನು ಎತ್ರಕ್ಕೆ ಭಾರಿ
(ವಿಶ್ವವಾಣಿ-ವಿರಾಮ-ಲಾಲಿ ಪಾಪು ದಿ.೦೫.೦೨.೨೦೧೭)
😋ನಂಗೂ ಲಡ್ಡು ಅಂದ್ರೆ ಇಷ್ಟ…
ಲಡ್ಡು ಹೆಚ್ಚಾದರೆ ಜಡ್ಡಾಗುವ ಭಯ 🙂
nice…!!
thanks 🙂
ಚೆನ್ನಾಗಿದೆ..
ಧನ್ಯವಾದಗಳು.